لوحة في خطوااااات ...

السلااام عليكم ورحمة الله وبركااته..
اليوووم منزل لكم ..
لوحة فنية رسمتها هالسنة في ملتقى شركة اعمار .. للفناين على مستوى العالم .. والحمدالله كنت مشاارك مع مجموعة من الطلبة من الدولة .. في هالملتقى مع العلم انه ملتقى مب للطلبة.. الا انا الحمدالله .. كنا ند لهم ..
ونزلت لكم اللوحة في عدة خطوات مختصرة ....
وقولو ما شاالله ..
بسم الله نبدأ..

هذي مب اول خطوة.. لانه الخطوة الاولى كاانت مجرد مسااحات من الالوان الاساسية والفاتحة للطبقة الاولى من اللوحة.. لكن للاسف ماعندي صورة للخطوة الاولى.. وهذي هي الخطوة الثانية..
بعد ما لونت الطبقة الاولى بالالوان الفاتحة ولاساسية للوحة .. بديت اللون الطبقة الثانية بالالوان الغامقة..



وبعدها بديت بمسااحات العنااصر الرئيسة.. مع الوانها الرئيسة..


و بعدها بديت بالعناصر الثاانوية بدووون تدقييق ..


وهني بديت اظهر اللوحة شوي ...



وفي هالخطوة حسبت اني خلصتها ... وكنت ابي اوقع عليها ..
لكن تذكرت اني نسيييت شي مهم .. نسيت اقفل البااب عن لا حد يدخل ويشوف شو دااخل .. شو مضمون اللوحة..



ووصلنا
للخطوة الاخيرة والحمدالله ختمتها ووقعت علييها..


وهذا جزء مكبر من اللوحة..
مع العلم بأنها خذت مني 5 ايام ... اشتغل عليها من الصبح السااعة 9 اليين المغرب السااعة 6 .. مع بعض البريكااات...
واكثر لووحة تقريبا للآن دققت فيها من نااحية التفااصيل الصغيرة.. اللي يمكن مب مبينة عدل لانها مصورة.. لكن في الواااقع اللي يشوووفها رااح يشووف انه البااب عليه بعض الشقوق الصغيرة ومشمخ..
وقول ما شاالله...
ويلا عااد انتظر ردودكم الطيبة..

الصراحة روعة تسلم اخوي واتمنى لك مستقبل مشرق

فنانة كتب:

تبارك الله على هالتحفة الفنية التراثية !!

منتهى الدقة في تفاصيل اللوحة .. خطوط الباب .. الألوان .. الإضاءة .. الأداء

رائعة بحق !!


(ذكرتني بالفنان الكبير عبدالقادر الريّس )


ما أقدر أضيف تعليق آخر .. شهادتي مجروحة ..




::


الألوان اللي استخدمتها زيتية .. صح؟ ..

و عندي استفسار بعد .. شو نوع اللوحة اللي استخدمتها ؟


::

::


كل التقدير لك ولريشتك المبدعة

بداية اشكرج على اثرااائج.. الطيب ..


وشهاادة اعتبرهاا وساام على صدري ..


وكلج ذووق ... وبالنسبة للألوان اللي استخدمتها .. لا مب زيتية ..


الواان اكريلك... والالوان الزيتية كنت ما ارتااح لها ابدا ... لكن من كم يووم بس ... بديت ارتااح لها..

واللوحة اللي رااسم عليها .." كانفس"..


وعلى طاااري عبدالقادر الريس .... ترااه ع كرة دربني اكثر من مرة .. ودخلت مرسمه الخااص اللي في بيته..




وثاااااااانكس ع المرور ..

هيه ماشالله عليييك انت مبدع الا ما تبيعها لووول..

بس والله اللوحه فنتك ..

وعقباال ما نشووف ابداعات ثانيه

ثاانكس..

ما شاء الله عليك مبدع و فنان ...

الله يحفظك يا رب ^^

اختك***