كيف تصير دبلوماسي في تعاملك مع الناس ؟

يسعد مساكم ...عندي موضوع فن وايد حلو بس شوية طويل ..شوفوه وقولولي شرايكم فيه؟؟؟
هناك طرق كثيرة لكي تصبح " دبلوماسي في تصرفاتك " واليوم ان شالله راح اقولكم جمن طريقة علشان تصيرون دبلوماسيين في اثناء تجمعاتكم مع الاهل او مع الربع ........
1ـ اذا حضر حد عندك او ضيوف بالبيت او تجمع الاهل لا تستحي وتروح عن الجماعة وتخليهم لا بالعكس روح واقعد وياهم لانك اذا ما قعدت وياهم راح تقلل من هيبتك ومن مكانتك لانهم بينتقدونك واذا مب جدامك اكيد من وراك..
2ـ اذاسلمت ع شخص اساله عن اخباره واحواله وخذ وعطا وياه فالكلام علشان تتوطد العلاقة بينكم ويحس الشخص انك تعرفه من زمان وتروح كل الحواجز من بينكم ..
3ـ \اذا كنت قاعد فلمة يعني فجماعة لا توجه نظراتك لشخص معين وانت اصلن قاعد تكلم الجماعة ولا تناظر فوق او تحت او تناظر فالاغراض بالعكس وجه نظراتك للعين مباشرة و بجيه راح تقلل من توترك وتبرز ثقتك بنفسك..
4ـ اذا كان شخص فالقعدة يطنشك ومايعطيك ويه لا تكابر وتطنش انت ابدا رمسه اواساله عن شي يعني اطرح موضوع جدامه عسب يشارك فالموضوع واعرف انه بيعبرك وبيبدا يعطيك ويه بعدها واذا رحت بيسال عنك ويحاول يتقرب منك
5ـ اذا كان فالقعدة موضوع معين يتناقشون فيه الجماعة لا تنتقد اي شي ولا تعترض ع اي شي فاذا كانت نظرتك ايجابية قول اللي عندك واذا كانت سلبية اسكت واذا شفت انك ضروري ترمس وتعترض ابدا كلامك ب: من وجهة نظري ..... وبعدين اشرح ووضح وجهة نظرك ابدا بالايجابيات من وجهة نظرك وفوائد اعتراضك بعدين قول السلبيات ..
6ـ اذا كنت تبا تضمن مشاركة شخص معين فالموضوع اضرب بهالشخص مثال وهو دايركت راح يشارك وياك ..
7ـ اذا تضايقت من شخص لا تسبه وتضاربه بالعكس ابتسم وطنشه وهو راح يحس بغلطته وبيعتذر او ماراح يعيدها لا تكابر وتضارب ترى مب من مصلحتك ..
8ـ اذا كانت القعدة مب عاجبتنك وحاس انهم مب من مستواك خذهم ع قد عقلهم وابدا ناقش ولا تضحك بصوت عالي لانهم بيتضايجون وبتفقد دبلوماسيتك ..
9ـ اذا ماعندك شي يديد وما عندك اسلوب يعني شوي دفش "السموحه" اسكت احسن لك وتكون بجيه دبلوماسي ..
10ـ اذا ييت بتطلع لا تدقهم طاف وتروح عنهم لا بالعكس استاذن وسلم واطلع ولا تطب الصغير او تطنشه لانه يقدر يشوه صورتك عند الكبار..او ينقل عنك شي مب زين ..فانت بدبلوماسية عامل الصغير والعود ..
وبهذي الطرق راح تكون دبلوماسي 100%

ام السعف ..

بسنا فضايح .. ما خليتي شي ما فضحتيني فيه .. ههههههااي ..

المهم ..

والله العظيم اني تقريبا من 3 ايام كنت قاعده اقرا مال هالسوالف .. الاتكيت و سوالفه .. و تعلمت وايد اشيا ..

بس انتي الحين زدتيني معلومات يالغاليه .. والله اني استفدت << لازم احلف .. خخخخ ..

ع العموم .. كلام سعوفه صحيح << اقصد يعني مكان الموضوع مب هنيه ..

بس ع العموم .. بدايه حلوة منج يالغلا ..

ونتريا الاحلى يالشاطره ..

مشكوورة الغالية

والسموحة بس انا حبيت يكون هنا علشان الميلس الكل يدخله واكيد بيقرون الموضووع
مادري هذا من وجهة نظري...
وكوني ع تواصل وياي علشان اعرف وين احط مواضيعي لاني عضوة يديدة وماعرف وايد لمنتداكم

هلاااااااااااااا شاااااي كرك وااافديت الموضوع الحلو مثل راعيته..

الدبلوماسيه .. صفه تم اكتسابها من غندووور هاهاهاهاهاهاها..

يعني انا اساس الدبلوماسيه.. بس بقولكم الصدق انا احب الصراحه اكثر من الدبلوماسيه..

بس احيانا لازم تعطي شويه باليسات .. وتعالي بنت الحارة اشووفج حاطه حقي اهدااء ماشالله؟؟

بس ماعليج شغلج عندي انا .. يا سااااحره الحارة مب بنت الحارة ..

عدنا من بعد غيبه طويله..

مرحبا شاي كرك .. موضوعج يالشيخه وايد حلو

وانا عن نفسي اتعامل بالدبلوماسيه ويا الناس اللي ماعرفها

وكل النقاط مفيده ومشكووووووووووووورة

خخخخخخخخخخخخخ بنت الحاارة غندور دلوعة
تسلمون حبايبي عالمروووور الطيب وعساااكم عالقوة

بصراااحة الموضووع ,, واايد حلو وعيبني

ويعني في بعض النقاااط والحمدالله ,,لاحظت انها موجودة فيني من (( دبلوماسي فديتني )) خخخخخ (( خقاق ))

لكن بس هالموضوووع احسه انه واااايد زين لبعض النااس ,, وهم أدرى بنفسهم ,, ولا شو رايج (( شاي كرك )),؟؟ توافقيني الراي ؟


يعني هالنقطة مادري ليش حسيتها مهمة واحب أركز عليهااااااااااا

اذا كان شخص فالقعدة يطنشك ومايعطيك ويه لا تكابر وتطنش انت ابدا رمسه اواساله عن شي يعني اطرح موضوع جدامه عسب يشارك فالموضوع واعرف انه بيعبرك وبيبدا يعطيك ويه بعدها واذا رحت بيسال عنك ويحاول يتقرب منك


يعني احس اني حاولتها مع بعض النااس,, لكن بدون فايدة ومادري ليش؟؟ فمن وجهة نظري انها ما تنفع,,,
لكن اللي ينفع انك اذا شفت ماشي فاايدة طنش ,, وبتشوف النتيجة,,


,, ومشكورة عالموضووع مرة ثااانية ,, خيتو العودة

واتمنى انه شخص معين يستفيد منه

بصراحه الموضوع اكثر من رئع
والا حترام والادب قبل كل شي << احم احم الادب صفه مكتسبه مني انا هع هع
والاسلام حثنا على هيك اداب قبل مالناس يسمونه دبلوماسيه

ومشكوره خيتو لا خلا ولاعدم من هيك مواضيع

تقبلي مروري

اهلين اماراتي .. اكيد تركيزك عالنقطةرقم 4 مهم .. وعلى فكرة هي صحيحة 100%

ووو اوافقك الراي واكيد بعض الناس بياخذون ملاحظتك بعين الاعتبار
وان شالله مايصير خاطرك الا طيب ..
((لكن اللي ينفع انك اذا شفت ماشي فاايدة طنش ,, وبتشوف النتيجة,,)) يؤ يؤ يؤ مااايطيع زينك
هذا مب حل... الحل انك تقول ملاحظتك ل(بعض الناس)!!او انك توصل هالملاحظة بطريقة او بأخرى
واكيد بيستوي تغيير من جداهم لان يمكن الشخص الي فبالك يرتبك من الموجودين وتعليقاتهم .. او يحس ان الانظار عليه اذا قالك شي فبما انك وصلت ملاحظتك اكيد (مابيسوي لهم سالفه وو بيعيرك اهتمامه...)
وو بعد شدراك يمكن ماعنده شي يقوله ف يلتزم الصمت او الهدوء
لكن دونت وووري ان شالله بتكون الامور طيبة بينكم وساعده انه يرمس وياك

تسلم عالمرور" الفنتوكي"

الهنووف ثانكس عالمرور الطيب

نوووودي مب اماراتي الخقاق انتي الخقاقة خخخخخ يعني تحاولين تقنعيني ان كل هالنقاط تطبقينها ؟؟؟؟؟

هههه عالعموم تسلمون عالمرور الحلو

أتمنى بس خخخخ

ويعني من وجهة نظرج انه نقول ملاحظتنا أحسن ؟؟ امم

وربج,بعد,, بنمشي على نصيحتج

انتي العودة خخخخ,,

وميرسي مرة ثانية عالموضوع

هيـــــــــــــه أف كورس احسن

واذا في ملاحظات ثانية قول!!

لازم الصغار يسمعون كلام الكبار لااااازم اجباري << الله يعين على عيارةالصغاار

تسلم عالمرور السريع ..

اممممم حبايب قلبي فيه شي مضايكم ؟؟؟؟؟؟؟؟؟؟؟؟؟؟؟؟؟؟؟؟

احد مزعلكم بشي؟؟؟؟؟؟؟

بصراحه كلامكم يضيق الصدر كله باالأغاز ؟؟ <<اما اذا كان شي بينكم الله يصلح هالشي هع هع

سؤال ملقوف خخخخ << ياشيخه هع هع

من المقصود بالسالفه ....... عسى موب انا

ترى بصيح <<اهئ اهئ (دلوعه لاخت هههههههااااااي

بنت الحارة ,, خخخخ
لا يعني ,, بعض الناس بشكل عام ,, يعني بعض الناس خخخ,, المهم هيه لاه خخخ


الهنوف,,

لا الغالية ماشي الا الخير ,, خخخخ

وماشي ألغاز ولا غيره,, انا اتكلم بشكل عام ,, خخخخ


ونودي,, هذا رايج ؟؟ خلاص عيل هي المديرة خخخ

ههههههه بنت الحارة المدير يقول بعض الناس يعني بعض الناس <<خلاص لا نقاش خخخخخ

الهنوف لا مافي شي مزعلنا هههه وهذي مب الغاز لو تكلمنا بالالغاز مابتفهمين ولا كلمة خخخ..بس قاعدين نتناقش اون لاين
يعني لاتخافين مب انتي المقصوودة ولا غيرج
قالج المدير بس يتكلم بشكل عام

نوودي خخخ وهقتي المدير ..
اماراتي خلك قد كلمتك ...
خخخخخخخخخخخخخ
انت قلت المديرة يعني المديرة

والا الصغار بس يلعبون ويا الكبار ؟؟