من رحل زايد ما بقى شي زايد ...

السلام عليكم



هاي القصيدهـ وااايد عيبتني ,, كانت عقب وفاة ابونا اللهـ يرحمهـ ,, وقبل العيد ,,





من راح زايــــــد ما بقى شــــي زايد
,,,,,,,,,,,,,,,,,,,,,,,غير الدموع اللــــي علــى الخد والايد


ثقيل هــــــذا الحـــــزن والله ..."وايد"
,,,,,,,,,,,,,,,,,,,,,,,افطرت بدموعــــي قـــبل جيت العيد


احس بـــي ضيقه تناجـــــي الوسايد
,,,,,,,,,,,,,,,,,,,,,,,واتحشرج بآخر سؤالـــي وانا اعيد :


شاقول لي جا العيد؟ وشلون اعايد ؟!
,,,,,,,,,,,,,,,,,,,,,,,شقول للدنيا ؟وشحــــكي وش آزيد؟!


من مات؟! قولوا؟! لا تقولون زايد !!
,,,,,,,,,,,,,,,,,,,,,,,شيفيد هذا الشعر؟! شيفيد؟! شيفيد ؟!


تبت يدا شعــــري وتــــــب القصايد
,,,,,,,,,,,,,,,,,,,,,,,لي غص باسمه طفل يقرى الاناشيد


(الاه) كحــــل وهــ (المواجع) قلايد
,,,,,,,,,,,,,,,,,,,,,,,ما عاد به فـــــــرح اتهنّى به الغيد


الدمع في حــــــــلق الشـوارع تزايد
,,,,,,,,,,,,,,,,,,,,,,,وما عاد لورود المحـــــــبه مواعيد


وما عاد يفرح للمــــــريض المعايد
,,,,,,,,,,,,,,,,,,,,,,,وكنها شهادة نعــــــــي كل المواليد


من راح زايد مـــــــا بقى شي زايد
,,,,,,,,,,,,,,,,,,,,,,,ولا عاد نبغى جــيّت العيد ..يا عيد



اللهـ يرحمك يالوالد ,,