محد يحبني
عدد الرسائل : 44 العمر : 35 البلد او المنطقة : مكان يخلو من الإحساس المزاج : دوم حزينه رقم العضوية : 67 تاريخ التسجيل : 05/04/2008
| موضوع: قصيدة المنهالي ... (( اصيح )) ... السبت أبريل 05, 2008 11:07 pm | |
| السلام عليكم
هذه هي القصيدة
(الشاعر: محمد بخيت النوة المنهالي) كارثة هالقرن صدمة هزت الصلب الجمود = من صداها رج منه فالمشارق والمغارب
والجنازة لي مشت من دون موكب أو ورود = وردها دمع العيون وحزنها أكبر مواكب
حل في ليلة غيابك بالإمارات الركود = والشوارع والمداين مابها غير الهبايب
والعلم حشمه لزايد كبّر وصلى سجود = وانتكس معلن حداده قال للمغفور واجب
من مخافة ربنا خفنا نتشبه باليهود = ولا مزعنا الثياب لفقد زايد كالأجانب
والبكاء قالوا يزيد الميت يعذبه زود = وأحنا ندري من بكانا يعذبك ير النحايب
فلو نهى الإسلام أهله عن بكي الميت يا كود = ما نهضت بعض الديانات أهلها كف الهدايب
فالحديث عن النبي صحيح من معنى الورود = قال إن الله لو قد حب عبداً من حبايب
نادى يا جبريل قد أحببت عبداً فالوجود = فأحبب العبد الذي أحببته فوق الرحايب
فينادي جبريل السماء ومن عليها بلا فنود = حبّو حبيب الله يامن فالسماء فوق السحايب
فيحبه أهل السماء ومن عليها بلا حدود = فيلاقي فالأرض القبول ويهتني بالعيش طايب
(وزايد) لا ما تلاقي له عدوٍ ولا لدود = ومن محبته وغلاته نبكي أكبار المصايب
وحنا حاولنا نتصبر بس أصعبنا الصمود = وع الفجيعة ما قدرنا نجاهد الدمع ونحارب
فالنبي وهو النبي شفاعنا يوم الوعود = من فجيعة موتت ابنه دمعته طاحت سكايب
قال في ما معناه إن العين فالمدمع تجود = والقلب محزون يبكي من فراق أغلى الأقارب
دام سيدنا محمد ما قوى دمعه يذود = كيف ما ندمع وتمشي من مدامعنا المراكب
كنت أظن إن الدمع حده ما يجاوز هالخدود = لين شفته شوف عيني منتثر في كل جانب
قلت هذا بس دمعي كيف اللي خلف الحدود = لو جمعنا دموعهم ودموع شعبك بالحسايب
كان ظمينا البحار وكان هدينا السدود = والخريطة كلها صارت مياه بلا هضايب
وكان كلفنا المصانع من بعد حث الجهود = تصنع أنبوب المياه اللي أبو أربع مضارب
مضرباً يروي البحار ولا بقى يروي سنود = أسيا وأفريقيا والرابعة باقي الحبايب
لو يقاس الدمع حجمه عالفجيعة بالنقود = كان عدى النفط سعره من كبر ذيك النوايب
"ليتني جالس مكانه فالنعش وهو يعود" = لا تزال القدس منه ناويه طرد المحارب
وكم حكام وملوك عيالهم تعلن جحود = وللجنازة يخصصون رجال تحملها برواتب
بس أنجال (الفلاحي) قطعوا كل القيود = يوم ساقوها الجنازة محملة فوق المناكب
ما رضى بكره "خليفة" ينقل نعشه الجنود = قال ما للنعش غير عياله وأقرب قرايب
هذا {زايد} لي حملنا فوق كتفه من المهود = ولا سخينا بالجنازة يحمله بالأجر حاجب
وآه.. حزن يعقوب كنه لفقد يوسف بالنكود = بان من محجر خليفة يوم دمع العين ناضب
غسلوه وكفنوه ولا كسوه أفخر جلود = لبسوه أغلى وشاح تنخضع دونه رقايب
العلم اللي قضى عمره على شانه يذود = لجل ما توصل بلاده في أوج أعلى مراتب
يوم صلوا عالجنازة بلا ركوع ولا سجود = وعين (بوخالد) تناظر والده للقبر ذاهب
بس هذي سنة الله ما على الدنيا خلود = والقضى حكمه علينا والقدر عالعبد غالب
وسنة الله في عباده من حياة للحود = والحياة نقطة عبور وكلنا فيها نطالب
ونكرم الميت بدفنه لو بها فطر الكبود = وكل ما نسرع بدفنه يعتبر بالدين صايب
حافظ الله عالتعاون الخليجي فالشدود = شاركوا دفن الجنازة ما نسو من كان صاحب
مرحباً بآل الصباح ومرحباً بآل السعود = وآل ثاني وبو سعيد وابن عيسى والنجايب
مرحباً باللي حظر واللي تأخر من وفود = خلف الحر الفلاحي مثلهم يا كم شارب
في طلايعهم خليفة ومن حواليه الأسود = الرجال اللي استفادوا من أبوهم بالتجارب
الرجال اللي تحودا هالعواذل والحسود = واقطعوا كل الكلام اللي سعابه كل كاذب
صفهم من عقب زايد مرتفع سهمه صعود = ما تفرق شملهم منهم عدو الدار هايب
كيف قالوا مات زايد كيف قالوا ما هو بالوجود = ما يموت اللي وراه مخلف رجال وكتايب
(وزايداً) لا زال اسمه في ضمايرنا يسود = عايش لا زال باقي في حشانا والهدايب
والأمانة والشهادة واجبه ونحنا شهود = بيض الله وجه منه شورهم قد كان صايب
نائبك مكتوم ويا إخوانه الستة عضود = اللي فثاني ليلةٍ ولو خليفة عالمناصب
احتراماً لك يا (زايد) لأنك الأب الودود = ومن بعد نظرة بأن خليفة هو الشخص المناسب
ما عطوا الدستور يوم وهو ثلاثين معدود = موقفاً يعكس تحلي دولتي بأحلى المذاهب
ليتك يا زايد عيالك شفتهم ليتك تعود = يوم بو سلطان شد حزامه وساق الركايب
وقفوا ويا خليفة وحملهم فوق الزنود = وين ما يأمر خليفة روضوا كل الصعايب
والشعب بايع رئيسة بالحلايف والعهود = ومن تهاون دون داره مات بين الناس عايب
ويا خليفة سر وحنا شعبك المخلص جنود = ما نحاتي دون شفك لو تواجهنا المتاعب
رحت يا زايد علينا ونهجكم نهج الجدود = لا تحاتي من ضياعه له خليفة صار زاهب
رحت عنا فالصيام ولا هني للعيد نود = كيف بنعايد بعضنا بالعزا وإلا بالرحايب
كيف ثوب العيد والله نلبسه ونحط عود = والحزن ثوبه علينا مفصلاً والوجه شاحب
ما بقى فاليد حيلة حل في جسمي برود = ولا بقى غير الدعاء باسم الذي عبده يحاسب
يا عسى الفردوس فالك وين جنات السعود = دعوة العشر الأواخر يا عسى فالك تواكب
قالها العالم بكبره فالدعاء بعد الهجود = والسديس اختم بها وسط الحرم تشييع غايب (الشاعر: محمد بخيت النوة المنهالي .. | |
|
الفيلسوف
عدد الرسائل : 2838 العمر : 35 البلد او المنطقة : ارض الله واسعة المزاج : مرتاح رقم العضوية : 26 تاريخ التسجيل : 03/12/2007
| موضوع: رد: قصيدة المنهالي ... (( اصيح )) ... الإثنين أبريل 07, 2008 3:35 pm | |
| يسلمو اختي ع المقصيدة وصح لسانج | |
|
دلوعة الامارات
عدد الرسائل : 456 البلد او المنطقة : قلوب المحبين المزاج : مرتاااااحه بشوفتكم رقم العضوية : 63 تاريخ التسجيل : 22/03/2008
| موضوع: رد: قصيدة المنهالي ... (( اصيح )) ... الخميس أبريل 10, 2008 1:03 am | |
| تسلمين على القصيده الله يعطيج العااااافيه | |
|