ذكــريـــاااات قـديـمـه و مُـــضــحـكـه .. [ فقط لمواليد ال

السلام عليكم ورحمة الله ..






بسم الله نبــــــــــــــــــــدأ ..


--------------------------------


تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي تصارخ منها


تذكرون لما كنا نصور فوري عند مصور الجمعية وطبعا غصباا عليك الخلفيه زرقه مو بكيفك ولازم تمشط شعرك بالمشط اللي عنده كله شعر

وبعدين يقصلك الصورة بالآله اللي عنده ام ذراع والاطراف مشرشره يعني يكون حركه لووووووووووووووووووول


تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس ....

صج كان منهج صعب !!


تذكرون اول يوم دوام بالمدرسه كانوا يسلمونّا الكتب كلهم مع بعض و صافينهم من الكبيييييييييير لي الصغير وطبعا الكبير كتاب العلوم

وكانوا يربطونهم بحبل عشان ما ينفلون مع 6 كشاكيل


تذكرون المعجون الصغير اللي ريحته تبط الراس ومعاه عود لونه احمر و كنا نبطله بالمقلوب ونرعصه ونلف العود عليه وننفخ

عشان نسوي تفاخيه وطبعا لاتفاخيه ولا قالها الله تتفخ لين تطلع بلاعيمك منه لووووووووول


تذكرون لما كانوا الصبيان يلعبون كره مباراة بالفريج واذا كان واحد من الفريق ناقص لاعب بعد ما يبيله قولجي دفاع هجوم ماشاءالله

قرندايزر مو قولجي وطبعا كان اللعب لــــــي اذان المغرب اول ما يقول الله اكبر .. نبطل لعب لأن ماكو كشافات مثل الحين


تذكرون لما كنا نشوف افتح يا سمسم وانتأثر بكعكي اللي ياكل بسكوت و نشتري بسكوت كاكاو ونقعد ناكل مثله والوالده تصارخ من قمة راسها

قطيــــــعه شنو هالشفاحه من لاحقكم لوووووووووول


تذكرون لما نرجع من الزواره كنا انتناجر منو اللي ينسدح ورى بالسياره صوب الجام ويطقها نومه لي البيت لالا

ويتحرش باخوانه ينزل ريله عليهم يعني يكون حارهم لوووووول


تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي

طاب غلط ومنكسره ايدك لوووووووووول


تذكرون شريط الجراغي الاحمر اللي اذا اخترب المسدس ماله مايبيله كلام حوّل على كعب الوالده وكمل عليه بالكاشي

والا على عتبة الباب اخر شي الوالده مكمله عليك بالكعب لووووووول


تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه

تلاقي الوالده منزلته تحت وما ثلج لوووووول راحت الفرحه


تذكرون لما كان الصبيان يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج

على الكاشي لوووووول وبالليل رايح الاميري تلاقيه متعور


تذكرون لما كنا نحب عبد الرحمن العقل ونروح مسرحياته السندباد و الزرزور والف باء تاء ولما الحرامي يكون وراه نصرخ من قمة راسنا

ورااااااك وراااااااك واهوا يقول وينه وينه يميييييين يميييييين....ياعيني على الاستهبال لووووووووووووووووول


تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد

من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله


تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي

مظللين على كل الكتاب وين الشي المهم مادري لوووول


تذكرون ايام الكشخه قبل كانت عباره عن سيارة هوندا بيضه اكورد باب واحد و حاط على لوحة السياره من ورى شعار نادي الكويت

يعني كووول و ولد العاصمه والمشط بالدرج وحاط بالمسجل فرقة الدانه ولا عبدالكريم لووووووووووووول


تذكرون اول ما يبوق الصبي سيارة الوالد كانت الريل اليمين على البانزين والريل اليسار على البريك من الثواره ..

ولازم طبعا يمرعلى الربع بالفريج ايتشيحط عليهم....واديلوووووو بريك وبانزين لووووووووول و راد البيت الوالد غاسلك غساااال


تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها

وبعدين نرد نسكرهم اي كلام جود الغازات كلها طايره ومتبخره وصاير ماي مايوه لوووووووووول


تذكرون لما يقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت

ولا انشقها خير شر من الكتاب .. شدعوااااا هالحقد عاد لووووووووول


تذكرون لما اتهاوش مع ولد جيرانكم و تقوله وخرعن بيتنا وعن رصيفنا يقولك مو رصيفكم هذا رصيف الحكومه (كلام منطقي بصراحه لووول )

.. ويقعد يحوس جبال بيتكم ويمر يمك ويقولك ماحشتك ماحشتك لووووووووووووووووووووول


تذكرون كمبيوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم

ورامبو اللي يطير الطياره ولي دش الوالد حطينا شريط بنك المعلومات يعني استفاده لوووووووووول


تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف

باول يوم العيد من الوالد لي الاخو الصغير نفس الدشاديش .. " جنهم فرقة التلفزيون لوووووووووووووووووووووووووول "


تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا

واخر شي منكسره ظهورهم....لووووووووووول "الله يذكرك بالخير يا بوعبدالله "


تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح

سكشن فايف.....ترررررن تررررررن سكشن فايف.....هاي سوبر فالكون لوووووووووول


----------------------------

و في الختام أقدم لكم جهاز لـ إطلاق مركبه فضائيه أأأأوو سوري أقصد هالكيبورد الكلاسيكي الرائع .. مجاناً لكل أعضاء منتدى عيال الامارات..



نقره على هذا الشريط لعرض الصورة بالمقاس الحقيقي




يقول المثل البلغاري القديم " اللي ماله كمبيوتر صخر ما له لابتوب hp " و يروى بأن المثل مأخوذ من المقوله الشهيره

"اللي ماله أول ماله تالي"

هههههههه والله أكثر الاشياااا كنا نسويها والله ضحك ..أيااااام زمان

مال سوبرمان ..والمثلج ههههاي والله والصفحه المحذووفه ..لووحه فنيه تصير..

تسلمين حبوبه ..بس عندي ملاحظه آخر شي (( قلب الشارجه)) <<المنتدى لو سويتي تعديل..^.^

تسلمين حبوووووبه على المرور
مشكووووووره على التنبيه

ههههههههههه
يسلمو ع الموضوع

^%^%^%^%^%^%^%^%

تسلم الايااادي على الموووضوع

%^%^%^%^%^%^%^%^

^_^والسمووووحه ^_^

%^%^%^%^%^%^%^%^