شآآي كرك على كرسي الاعتراااف

هلآ والله بـ شـــاي كرك ..


نورتي كرسي الاعتراف والله ..


طبعآ مو مستعجله عليك بأدور اسئلة وارزهم لك << كناية عن الكثرة هههههه

.

وانا ,, ثالث وااحد هع هع هع


ولي عودة انشالله هع هع هع

لااا شوووفووا اللي يدخل يحط الاسئله بدوووون لا يحجز له مكاااان


يعني مابي حد يدخل ويقوول برجع .. يوم بتفكر ترجع تعاااال حط الاسئله...


ويلا ننتظر شااااي كرك..

انااااشوو قاايله ماااااا قلت لاا حد يستضيفني عالكرسي


ياااااااااااااااخي كرهت الصراااحة.......


وماباأكتب شي وعااااااااااااادي استنذل ومااأرد

بس والله ماتهونون ...

وعشاان خاااطر كم... بجااوب

امري لله ..




1. البطاقة الشخصية
اسمي شااي كرك من ارض الله الوااسعة طالبة سنة اولى فالجاامعة عمري 18 طولي 159وزني 50 >>>امس وازنه

2. موقف محرج صاار لج
موااااااااااقف بذكر منها موقفين بس والبااجي فالمراات اليايه
اول وااحد : فالاسبوع التعريفي كانو يمتحنونا انجليزي كل التخصصات والقاعة بنات واولاد وانا حظي اني كنت واقفة ورا كلهم قعدو عالكراسي وانا مالي مكان فخلاني المشرف انتظر لين يقووم حد ... واللي قام ولد يعني خلص فقال روحي هناك وبيكون يميني ويساري اولاد ركبت رااسي وعااندت قلت مابا منو يقول انااروح هناك مابا مابا لاتحااول... وماقدر يصابيني بعدين قاموثلاثة وانا واقفة قال يلسي بيكون المكاان فاضي بس انتي فيه الحبيبة يلست وبدت تحل الا شوي وياب ولدين وعطاهم رقم يفتحوبه اللابات واحد يمين وواحد يسااراشوف الا كندورة بيضا عداالي كاان خااطري انش واكفخ المشرف واطلع بس استهديت والله قفطت ماارمت اسوي شي...
بس اتطالعته بنظره حقد وسخرية وكملت امتحااني وانا وبهي قاااااافط

الثاني اليوم كان عندي شرح درس قلتت للدكتور هاذيل مابخليهم يجااوبوون اللي هم شلة الاولاد مال الكلاس ((( المصرقع )))الا فنص الدرس قال شاركيهم خليهم يجاوبون
عااندت قلت مابا قال بخصم فالتقييم قلت انزين شو اقولهم قال الدكتور قولي تفضل جااوب قلت انزين

ويللا جاابلي العبط والتعليق انا مااقلت تفضل جاوب قلت بس :: انته جااوب
وطااااااااااااااااح الضحك علي وعدفاشتي وقاالو الدكتوور قال قوولي تفضل .. بس لاتلوموني تخيلو بس أأأخ يالقهر تقولين لين وااحد تفضل جااوب نااقص تحبينه عالرااس
وقفطت كملت شرح بسرعة,,,, بس اونهم صفقوولي يوم خلصت شرح .. طلعوو عيالنا فيهم ذراابة اووب اووب مب عياالنا يعني شبابنا بشكل عاام

و

3.بعطيج كلمات وقولي شو تعني لج..



الحب << .......................................

الحظ << داااااااايما يسعفني واحس انه مرتبط ارتبااط كلي بالقدر والنصيب

الصداقة<<كنز صعب تلقى مفتااحه بهالزمن واذا لقيت المفتااح الحيااة تاخذ الشخص منك ولوتمسكت به بكل ماافيك بس الله لايفرقني عن صديقتي وتوأم الروح ..

الدراسه << اجمل هموومي واصعبها احب ادرس واتمنى حيااتي كلهاادرااسة وبس مهماكاانت صعبة وماتنطااق لكني افضل اني انشغل بها بدل انشغالي بناس انا ما أعنيلهم شي ...


4.شو هيه الاشياااء المهمه في حيااتج
والله ولا شي ..

بس حاليا دراستي

5.منوو هم الاشخاص اللي غيروا شي ف حيااتك
شخص غاااالي وكان اغلى من رووحي( ((اووووب اوب ))) احم ماباتعليقات مصخة ابا تعليق يفيدني


6.هل انتي رااضيه بمجرى حيااتج او دراستج ولا في تخبط ف أشيا؟؟
لا مب راضية ............. لكني برضى بالوااقع وبرضي نفسي

7.شووو شعوورج ف هاللحظه؟متشاااااااااااااااااءمة من الحياة فوووووووووووووووووق المعقول

8.شو مخططاتج للمستقبل؟؟
افاارق الحيااة

9.تقدرين تقولين لنا عن مميزاتج وعيووبج << سياارة الاخت هع

مميزاتي اني بنوتة حبووبة ماااجرح حد ولاافكر اجرح حد لوذبابة
متوااضعة ماااحقد على حد ووااااااااااااايد اسوي طااف
واحب من قلبي... واثبت عراايي لو من زماان متخذتنه يعني قد كلمتي
ومايعجبني الحاال الماايل
سلبيااتي : غاامضة نوعا ما عناااااااااااادية واايد إذا الشخص طااح من عيني ترااه طااح واذاكرهته فلحظه لوواضحي بلحظاات عشاان انسى مااانسى يعني مزااجية شوي وووااابد مب سهلة
هيه اكبر سلبية اني حسااااسة واااايد وبسرعة انجرح...(شي بقى!!!)


10.منو الشخص اللي اللي تهتمين لنصاايحه
شخصين ماماتي وبنت خاالتي ويت فترة اهتميت لنصاايح شخص الله يوفقه

11.شخص مستحيل ترفضين له طلب
بصراحة شخصين
وقلبي وعقلي بس لعيوون ناس تجاهلتهم


.شخص تشووفينه قدوة لج سواء في حيااتج او دراستج
فالحياة عمي فهد وفالدراسة امي



وهذي الصرااحة على كرسيكم .....

(مااعليج يابنت الحاارة والله يبالج ضربة)


نووودي واماراتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟شي بقى

شو فخاااطركم سالو بس هاااااااااااااااااااااا!!

دامني تكلمت بكمل سألو أي سؤال.

بنت الحاارة اناتعبت من القعدة ع هالكرسي ..

يللا خلاص خلص دوووري

بس بقوووم ... استضيفو حد غير

خخخخخخ اللي بعدي فالقاايمة يعني
هههههههههههههههههههههههههههههه



خلاص حبايبي محد يسأل انا خلصت .. خخخخخ

هلآآ بنت الحارة تآآمرين آمر ..

وشاي كرك على وين انشاء الله تو الناس باقي ما ملينا منك هههه ..

اسئلتي متواضعة طبعآ ..!

امممم






شنو تخصصك بالجامعة ؟ وهل انتي راضيه فيه ..؟


شنو نوع موبايلك وموديله ..؟


اذا ربي كتب لج انك تعرسين يعني نقول انشاء الله السنه الجايه .. بتكملين دراستج .. او .. بتصيرين ربة منزل ..؟




شنو طموحك ..؟



عمل ندمتي عليه ..؟




موقف كل ماذكرتيه ضحكتي ..؟




لمن تعطي هذه المسميات :-

القلم الذهبي000 شهاده تقدير 000 ورده حمراء 000 ورده بيضاء 000 مع ذكر الاسباب ..؟



ما هو الموقف الاكثر احراجا الذي تعرضتي له في حياتك ..؟



ما هو مبدأك في الحياة ..؟



ام السعـف .. شنو صلة القرابه بينك وبينها ..؟ << ههههههههه









وبسسس اذا تذكرت شيء برد اكتب ..!

.

نووودي وينج نحن خلصنا وانا رحت خلاص

الكرسي يتريا اللي بعدي ....

خخخخخخخخخ

بس كم نوودي عندي .. لعيونج برجع ايلس عالكرسي الغير مريح ...
وبجااوبج ..


.....شنو تخصصك بالجامعة ؟ وهل انتي راضيه فيه ..؟

بس بقولج ....انا طموحاتي لها ابعاد واحلام لكن زماني حطني شخص عادي ...
وتبين الصدق برضى الواقع ..
لكن للاعلى مااابقى فمكااني..
شنو نوع موبايلك وموديله ..؟

موباايلي العنادي حاليا ماعندي ... هو طبعا نوكيا ..ونوعه 6500
وان شالله يوم بنزل فالويك إند ببدله وبخبرج نوع موبايلي اليديد..
وموبايلي يغار من اقرب الناس لي ..وقت احتااج الموبايل يفصل ومااااااايرضى يفتح لين يومين ورابعض..ويوم تطيح من راسه يشتغل ..لكن هالنذااله ماعلي.. انا اللي حبيته ومتعلق قلبي به يسوي بي جيه ..
من يفتح لفرقاي باب أفك له عشرين باب ..

اذا ربي كتب لج انك تعرسين يعني نقول انشاء الله السنه الجايه .. بتكملين دراستج .. او .. بتصيرين ربة منزل ..؟

اوف كوووورس نووووووو
جنج حااسة يانوودي ..

طبعا بكمل دراستي ..

وع شوو ربة بيت .. جي وين عايشين فالعصر الحجري
بدرس وبدرس وبدرس .... وغصب عن المعرس ان رضايامرحبابه وان رفض الباب يوسعه ..
يشوفله ربة بيت .. ماعندها هدف فالحياة ..


شنو طموحك ..؟
طمووحي القمة ...
طمووحي التفوق .. طمووووووحي آآآآآآآآآآآآآآآآآآآآه بس ياطموووحي من وين ابدا
طموووحي اني اكون شخص له قيمه وبصمه فالحياة ..
ولو اتكلم عن طمووحي والله مابتكفيني هالصفحاات



عمل ندمتي عليه ..؟
ندمت اني طلعت اللي فقلبي ..
الوااحد يوم يكوون غاامض احسن له
ويكووون ساااايلنت خير وبركه




موقف كل ماذكرتيه ضحكتي ..؟
يوم لعبنا لعبة الصرااااحة ... ههههههه انا ووو ..
وبعد

يوم اسمع ضحكة واحد من كلاسي اموووت من الضحك
والله لو سمعتيهاا يانوووووووودي عااادي ماتتقدرين تقومين واقفة من كثر الضحك ..



لمن تعطي هذه المسميات :-

القلم الذهبي000 شهاده تقدير 000 ورده حمراء 000 ورده بيضاء 000 مع ذكر الاسباب ..؟
القلم الذهبي <<< نووودي
شهادة تقدير >>>> الهنوف
وردة حمرا <<<< ام السعف
وردة بيضا >>>> بنوته

وبضيف عالخيارات <<< بطاقة حمرا .. ل .................
وواكيد معرووف فقااموس السبوورت البطااقة الحمرا شو تعني ....
وسووووووو سوووووووري

ما هو الموقف الاكثر احراجا الذي تعرضتي له في حياتك ..؟
يووم صحت جداام .. شخص ..
وطلعت اللي فخاطري ..




ما هو مبدأك في الحياة ..؟
باختصاار مبدأي فالحياه
يومين ورايحة من الدنيا ومابا أخلي عني غير ذكرى طيبة ............




ام السعـف .. شنو صلة القرابه بينك وبينها ..؟ << ههههههههه

هههههههههههههههههههههههههه بصراحة
توأم الروح ..







وبسسس اذا تذكرت شيء برد اكتب ..!

شي بقى فقلبج آنسة نووودي ..

سألي لاني ماااأبا اتم زيااادة عهالكرسي

لاني بخووورها ... وبقول الاولي والتااالي ......


ماااااااااااااااااااااااااااااعليج ياابنت الحااارة يباااالج ضرب بخيزرااانه ..

صح منووو بعد حاااااجز ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


بصرااااحة مااادري ..


اماراتي عندك شي ؟
في شي ؟
......
لاني مستعيلة ابا اقووم من هالكرسي ...

وصل غندور

قبل لا تقوومين

وبضيف عالخيارات <<< بطاقة حمرا .. ل .................
وواكيد معرووف فقااموس السبوورت البطااقة الحمرا شو تعني ....
وسووووووو سوووووووري




لمنووو البطاقه الحمرا ؟؟؟؟؟ يلا اعترفي

هههههههههههههههههاي والله انكم تحف.....


غندوور خلك برع الموضوع ..

اذا بتسال اسال سؤال سنع والا لاتسأل ...


ام السعف
اهئ اهئ...

عادي تراني ماقلت شي للحين ... خخخخخخخخخخخخخخخ

سوري على (اللقافة) بس عجبتني ردودك شاي كرك بصراحة نموذجيه وتعرفين تلفين الموضوع ههههههه

وبعدين أخ غندور اكيد البطاقة الحمراء لك ههههههههههه (أمزح)

والله كان ودي اتليقف واسألك شاي كرك بس بنت الحارة ونودي ماقصروا ههههههههه

تقبلوا مروري ...... ون شاء الله الدور على ( الباقي )

الاخت غندوره



ما شفي العباره اللي كانت مكتوبه على باب المنتدى؟؟



يمنع التقليد منعا باتا هاهاهاهاها


ويمنع اصطحاب الاطفال




وسلا متكم

آفا أطفال مره وحده وش ذا التحطيم مقبوله منك أخ غندور ويجي منك أكثر

وشكرا على التحطيم

ووش دعوه ماعجبك الاسم .................. هههههههههههههههههههههههه

نيهاهاهاهاهاهاهاهاي ..

امممم .. جاي كرك .. حمدي ربج اني ما سألتج من بدايه الموضوع لاني نسيت سالفة الموضوع .. >.<

المهم ..

بس بسأل سؤال واحد .. و عذراً .. اذا كان في حد قبلي سألها هالسؤال ..

*شو الفرق بين " الدراسه مع الشباب " و " الدراسه بدون شباب " وشو الاحلى و ليش ؟؟؟؟ <<< نيهاهاهاهاي..

يلا حبوتي .. فكري .. خخخخ

والورده البيضه .. حلوه ريحتها .. وللحين حيه .. <<< اللي عطيتيني اياها فالمنتدى .. خخخخ .. حسستج لاه .. هع هع

وانا بعد عندي وايد اسئلة ..
ها ها ها ها ي

شاي كرك منو صديقتج المقربة ؟

وشو نوع موبايلج اللي قلتي بتقولين اسمه ؟

هيه بعد ....

شو حاطة نغمة موبايلج ؟

وبعد في اسئلة بحطهم باجر لا تغلقون الموضوع بليز

غندور وغندوورة

يللا سيروا تناقروا برع مب هنيه..

والا اييكم شوور سيروا ميلس السوالف وتضاربوا ع كييفكم

خلااص الموضووع مغلق ,,


خخخخ,, اسولف ويااكم,, بس كنت ابا اخوف كلي شموخ خخخخ

وسوري شاي كرك,, انا كنت حاجز,,

بس تراني لغيت الحجز خخخخخخ


ما عندي اي اسألة,, الربع كفو ووفو

حراااااااااااام عليك اخوي الثغيرون تخوفني
عقيت قلبي ف بطني @ طلعت اهون وانا ما ادري!!!!!!!!

شاي كرك بقول سؤالين ع الطاير قبل عن اروح الكلاس

اممممممممممممم

شو اكلتج المفضلة ؟؟
شو احلى رسمه رسمتيها وتعيبج ؟؟

اهيء اهيء وايد اسئلة عندي بس لازم اروح

غلاي بعدين برجعلج

تيك كييييييييييير

امم رجعت
وبعد بروح وبرجع اكمل اسئلة لاتغلقون الموضوع وااااااااااااااااااااايد عندي اسئلة ..
انا واايد اهتم بالشعر..ووايد احفظه واعتبره جزء من حياتي

فبكتبلج مقاطع واباتعليقج عليها..وبعد عليها اسئلة
احترامي للحرامي صاحب المجد العصامي
صبر مع حنكة وحيطة وابتدا بسرقة بسيطة
وبعدها بسرقة بسيطة وبعدها تعدى محيطه وصار بالصف الامامي


....... منو فحياتج تحسينه حرامي؟

معاك اليامتى بصبر وصبري معك يحلالك
مثل ماقبلت لعيونك لزوم تلد لي بقبال
ومثل ماحشمتك حس واحشم قلبي اشوالك
انا محدن بجابرني اساير معك هالمنوال
ترى ماني تبيعن لك وماني بصغر عيالك
.... .. وهذي من شعر حاامد ياشاي كرك .. تعليقج على هاي الابيات ؟؟؟؟


ابي عشق تحسب له كل نظرات العيون حساب
وابي قلبن على قلبي وابي دين على ديني
وابي كلمة عهد توفي ولا تخلف بدون اسباب

..... وهاي بعد حاامد زيد.... تعليقج ع الابيات ؟؟
خبرتوا حدن يبكي على واحدن يبكيه
وخبرتوا حدن مسجون مايبغي فراقه
شاي كرك قولي موقف خلاج تبكين على شخص بكاج ؟

خلها قواتك كبيرة ونظراتك بعاد كانك انته بكبرك تهون من اللي مايهون
ازعلك واترك حياتي تحت رحمة زناد تهبا لا والله الا انت والموت تهبون
انت باجر بتعرف على ناسن جداد والكلام يجيك من كل شكل وكل لون
لا تحسب ان كل كلمة بتسمعها وكاد ولا تصدق هالمشاعر وتخدعك الضنون
دايم اعرف ان كل شاعر يهيم بكل واد وانهم داايم يقولون مالا يفعلون

وبعد هي مال حامد زيد ...اول شي تعليقج ؟؟
وبعدها قولي لي رايج فالشعر والشعراء ومنو الشاعر المفضل عندج؟

وبعد انتي تكتبين شعر والا لا؟

وبعد في اسئلة .. اماراتي لا تغلق الموضووع .. تراي بخبر عليك شاي كرك


والعذاب اللي يذوب بعين من يفقد خليله عندي اكبر من عذاب العين لو تفقد نظرها

وين حبك للزعل وين العناد الاولاني
وين حنية زمان وفرحة العمر الرغيدة

الضيج بالدنيا بكبرها من معابيس الوجيه وهذاك لامنه تبسم شفت للدنيا طرف
مني وليه احببته وهو حبني منه وليه من غير لانا اعترف ومن غير لاهو يعترف

شو تعليقج ع الابيات الاخيرة ؟؟

هيه امم
شو هو احلى خبر سمعتيه فحياتج ؟

شو احلى لحظة مرت عليج فحياتج ؟

وش هو اصعب موقف مر عليج فحياتج ؟
امم بعد موقف كل ماذكرتيه بكيتي ؟

وبعد امم
اذا تعرضتي لخيانة من شخص عزيز شو بتكون ردة فعلج ؟


واذا صارحج حد بحبه بتبادلينه نفس الاحساس ؟ها ها هاي لاتفهمين خطا يمكن انابس مستحية منج ..هاهاها
وبعد بحط لج اسئلة الهنوف اللي ف موضوع اسئلة صريحة وبتجاوبينها ..
وبحط لج مقاطع اغاني وقولي عاد بوش تذكرج وش شعورج وانتي تسمعينها ..

هاهاهاهااا بتموت شاي كرك من كثر اسئلتي .. حبيبتي لا تتضايجين وايد في خاطري
وبالاصل هنا ماخذة راحتي لانج بتجاوبين بس لو سالتج فيس تو فيس
بتدقيني طااف وبتخليني ما اسوا بيزة .. ف خل استغل الفرصة هاهاهاهاي تراها ماتي الا مرة وحدة
والسموحة منج



.. ..اكرر لا تغلقون الموضوع في بعد اسئلة ....

اممممممم

بنت الحارة انا بعدني ابا استلسم شاي كرك هاهاها

يلا غلاي حاوبي ....

خيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــبة

ياااربي كل هذا لي اهئ اهئ .. حرااااااااااااام

وانتي يااكلي شمووخ مااعليج انزين مابلقاج ؟